Kuto

yup, si yaya ay may kuto. si dani ay may kuto.. ako ngayon ay may kuto. nakakahiya no? pero ganun talaga, pag nahawaan ka, no choice kundi magsuyod at gumamit ng anti-headlice shampoo.

nalaman ko to kahapon, pasaring na sinabi ng kumare ko na sinabi ng katulong nila na kinukutuhan nya daw si yaya. tama namang nangamot ng ulo ang anak ko at dali-daling tinignan ng isa pa naming kapitbahay at nakasipat ng isang patay na lisa. magdamag kong inisip kung ano ba ang dapat kong gawin dahil nga sa aking non-confrontational at uber-sensitive nature, inabot ako hanggang kaninang hapon para lapitan sya tungkol dito.

pano ba naman nakakita na ko ng mahigit na sampung buhay na lisa galing sa anak ko nung sinusuklayan ko sya pagkatapos maligo.

eto na nga:

K: ate G, eh kasi, may nakita kaming lisa kay dani kahapon, baka gusto mong magpagupit ng buhok, pasama ka nalang kay ate L
ate G: *bulong-bulong*
ate L: ayaw nya daw po magpagupit
K: hmm.. eh kasi ang haba na ng buhok mo eh para naman lumitaw yang mukha mo at maginhawaan ka ng onti. makakatipid ka pa sa shampoo.
*abot ang pera kay ate L*
K: *pabulong* kaw na lang kumausap, paki samahan na lang sya sa GMA siguro.
K: *sa lahat* chaka pakibili na rin ng gamot (sa kuto) kasi parang nangangati na rin ako.

so iniwan ko muna sila at pumasyal sa kumare kong kapitbahay. maya lang eh bumalik na si ate L at nagbihis, nagpapasama daw si ate G.

haay salamat.

pagdating nya dito sa bahay nakita kong mejo mahaba pa rin ang kanyang buhok pero nakatali naman. bago ako magkulong sa kwarto, pinuntahan ko muna sya at kinausap. sabi ko wag syang magagalit sakin at pinilit ko syang magpagupit kasi mahirap na pag si dani ang nagkakuto (which meron na nga) at kung may problema man sya sa kung anuman, sabihin nya lang samin para makatulong kasi syempre iniisip din naman namin sya. ayun, tumango naman.

kanina, imbes na magpakasasa ako sa internet habang nagpapaantok eh sinamantala ko ang himbing na pagkakatulog ng aking anak at binusisi ang kanyang ulo. madami-dami na rin akong naalis na lisa at nakakuha na rin ako ng dalawang inahen. wala pa naman akong nakikitang kuyumad na mahirap hulihin dahil sobrang bilis neto.

tamang duda, ako naman ang nagsuyod at nakakuha ako ng isang inahen. hindi pa naman kumakati ulit ang anit ko at puro patay na lisa ang nasipat ko pero bukas magsusuyod ulit ako't gagamit din ng anti-headlice shampoo.

grabe na ito, minsan lang ako makapagblog, nakakadiri pa ang topic ko. oh well, ni-share ko lang. just in case you'll be in the same predicament in the future ;)